لا تشتكي حالك على كل من جاك

لا تشتكي على كل من جاك
بعض البشر يفرح الى قلت مهموم
يخفي سمومه بين همك وشكـواك
يشمت بحالك والحصيله شقا ولوم
واحذر من اللي ينقل الهرج لعداك
يظهر لك الطيب وهو منه معـدوم
قلبه مريض ويخلط السم بـدواك
يعرض عليك الرأي والرأي مسموم
وابعد عن اللي يستغلك الى جـاك
تلقاه دايم بين الأخيار مذمـوم
احسب حسابك في كلامك ومعناك
وسط المجالس كل ما ادليت بعلوم
خل سمعك اكثر من كلامك وفتواك
تلقى القدر يمك من الناس ملـزوم
ولا تذكر افعالك بما تجود يمنـاك
عنك الولي يدري ولك الخير مقسوم
وخلك مع اللي يشتكي لك وينخاك
بك ينتخي من ضيم الأيام وهموم
خذها وصايا تسعـدك دوم دنيـاك
واحفظ معانيها تحفظك من اللـوم

~ مما راق لي لا تشتكي حالك على كل من جاك 160

~

خل سمعك اكثر من كلامك وفتواك
تلقى القدر يمك من الناس ملـزوم

كلام صحيح و موزون

الف عافية

موضوع اكثر من رائع

دائما نقرأ بقلمك اجمل المواضيع

فى انتظار جديدك

مع ودى واحترامى لمواضيعك المميزه

Shocked

كلمات جميلة وحقيقية
ما فينا نشكي اللي فينا لاي انسان
تسلم الايدي