رمضان الصحابه ورمضان الآن

السلام عليكم ورحمة الله

حابه أطرح هذا الوضوع عن شهر رمضان للفائده
بعض القنوات ما خلت ابد احترام لهذا الشهر
الفضيل من الحين بدا الاعلان عن المسلسلات و برامج اقل مايقال عنها
انها ماتناسب ابدا حرمة هذا الشهر

وين حنا من زمن الصحابه والسلف الصالح اللي كانوا يحزنون ست شهور بعد ماينتهي الشهر

وينتظرونه ست شهور >>>يعن بالعربي كانت حياتهم كلها رمضان

رمضان العبادهـ
رمضان الصوم
رمضان الصدقه
رمضان الكرم
رمضان التهجد وقيام الليل
رمضان الاعتكاف
رمضان صلة الارحام

ما سألنا انفسنا الحروب والبلاوي اللي احنا فيها من ايش

(إن الله لا يغير ما بقوم حتى يغيروا ما بأنفسهم)

ليش مانخجل من افعالنا رمضان شهر العبادات تحول لموسم لعرض المسلسلات يارب رحــــــــــــمتكـ

الصحابه ينتظرونه ويستعدون له بعمل العبادات والتقرب إلى الله
ومخرجين وممثلين يستعدون له بعمل البروفات للمسلسلات لدرجة انه صار فيه صراع بين القنوات على النقل الحصري للمسلسلات

سؤال واحد لهولاء الناس ....ضامن عمركـ تعيش لرمضان عشان تشوف المسلسل اللي انت تعبت عليه ومبيت النيه انه تعرضه للناس وتلهيهم عن العبادهـ

والله على ما اقول شهيد اني شفت لي مقابله لفنان خليجي شاب بعيد الفطر وكان يتكلم عن مسلسلاته القادمه واهم اعماله برمضان وغيرهـ والله ماكمل الشهر إلا وانا اسمع خــــبر وفاته (الله يرحمه ) اقسم بالله صابتني صدمه
سبحان الله الواحد ما يدري كيف يموت وإلا وين يموت .......يارب رحمتكـ

انا ما اقول اني ملاك وهم شياطين لكن ليش نتعاون على الاثم المسلسلات معرروفه بتحريمها هذا شي مفروغ منه
لكن اللي محيرني ليش رمضان بالذات ليش ايش السبب والله ماني لاقيه سبب مقنع او غير مقنع

وكله كوم والبرامج و الفوازير كوم ثاني والمشكله مو بس في الليل حتى في النهار والواحد صايم يشاهد مثل هاذي الاشياء وطبعا ماتخلى من الدلع والغنج واسلوب شد المشاهد عفوا سحب مافي جيبه وجعله يتصل
معقوله احنا لهدرجه مانستوعب اللي قاعد يصير حولنا ........
على فكرهـ ترى احنا كمان ساعدناهم على اللي هم فيه
تدرون كيف !!!!
1|متابعتهم
2|الترويج للمسلسلات بين العائله وبالمقاهي وبكل مكان
3|عدم انكارنا على ماهم عليه
فكر بس دقيقه وحدهـ رمضان شهر (30يوم)
هل صلينا التراويح
ختمنا القران
تصدقنا
وصلنا ارحامنا
صمنا باخلاص مو بس عن الاكل والشرب
صلينا النوافل
صلينا قيام الليل
طهرنا قلوبنا وتسامحنا مع اشخاص كان بينا خصام معهم

خلونا نبادر من الان كل واحد ظلمناه نرجع حقه ... احد سبيناه نتسامح منه
حتى رمضان ما احنا ضامنينه فخلونا نبادر من الان ونعقد العزم

مسلسلات مافيه
نتسامح ونبدا بفعل الخير من الان
نختم القران ولو مره(الشافعي كان يختمه ستين مره برمضان (مرتين باليوم الواحد) و12 مره بالسنه)

عذر على إلاطاله لكن كتبت الموضوع بدون ما انمقه او ارتب افكاري جاء على بالي وكتبته
وكل اللي ابيه انه نقاطع المسلسلات برمضان وغيرهـ

لاتقولون مانقدر
تخيل هذا اخر رمضان لك ودك يكون هذا اخر رمضان لك بالمسلسلات أو العبادهـ؟؟
دومتم ,,,,,,,,,,,,,,,,,,,,,, اتمنى أن يفيد الجميع